الشباب عند إشارة المرور*******

اليوم جايبتلكم حالة الشباب عند إشارة المرور:
النوع الأول:-
هو اللي يستغل وقته ويرتب سيارته ويفتح دروج السيارة ويقطع في الفواتير ويرميها في الشارع و فجأة ما تدري إلا وهو ناقز في المرتبة اللي ورى ولا تستغرب إذا شفته ناط في شنطة السيارة ( الرجال مرتب ) وتنفتح الإشارة و الأخ مشغول في التنظيف.

لنوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمة و إذا خلص طفى السيارة عشان ينظف أذنه بالمفتاح وشوي ويقص أظافر يده و ماتدري إلا وهو رافع رجله يقصقصها هذا إذا كان معه مقص أظافر و إذا ما معه فالحل موجود طبعا يقص أظافرة بواسطة أسنانه (قمة النظافة)!!!!!!

النوع الثالث:-
وهو أكثر واحد يفرح إذا وقف عند الإشارة عشان يستعرض ويرقص هو و خوياه ويرقصون السيارة معهم.

النوع الرابع:-
وهو عكس اللي قبله وهو اللي يشغل شريط أغاني حزيييينه
وأنواع القلق والحزن والتفكير وطبعا الأغنية من كثر ما هي حزينة و قديمة ويكون وجهه موّرم من الصياح وكثر الأحزان

النوع الخامس:-
ما يسمع أغاني وما تسمع غير هواشة و تلعينة على عياله اللي مالين عليه السيارة و ماتدري إلا وهو ساحب العقال ( إذا كان لابس جينز فيه حزام أقوى من العقال)
ومخرب الشخصية (يستعمل أساليب التربية الحديثة ) ويصفق عياله بكرتون المناديل اللي مالية بالسيارة والفضل يعود لمحطة البنزين لو تمر من عندهم عطوك كرتون مناديل هديه.

النوع السادس:-
نادر عندنا الحمد لله
وهو اللي يستغل الوقت ويجلس يشخص ويرش عطر وشوي يحط روج ومعلق الإيفرون في أذنه ومشغل شريط إنجليزي مسوي يتسمع غربي و أنواع التحكيل في السيارات اللي جمبة.

النوع السابع:-
وهو اللي إذا شفته ترحمه وتقول ميت من الجوع وتشك انه جالس في مطعم مو في سيارة الرجال ماسك الهمبرقر بيد و البيبسي والبطاطس بيد و الشاورما في حضنه و الفطاير جمبه و البيتزا في المرتبة اللي ورى .

النوع الثامن:-
وهو اللي تحس انه ما عنده وقت ابد و دايم أنيق ولابس نظاره وخاتم ومبحلق في الجريدة ومسوي زحمة في الشارع واللي جمبه طفشان ومشتغل مسجات بالجوال.

النوع التاسع والأخير:-
وهو اللي سيارته زحمه مو ناس لا مخلي ثوب ولا شماغ ولا بدله ولا جزمه الله يكرمكم إلا ومركبها معه عشان يكون تبديل الملابس أسرع عند الإشارة (استغلال لوقته الذهبي) حتى البطانية جايبها و ماخذها معاه تعرفون الرجال مشغووول طول يومه.

يالله يا شباب كل واحد يقول هو من أي نوع...............

مشكور اخوي لهيب الشوق على الطرح المميز