تجمعت في خاطـري جملـت افكـار

تجمعت في خاطـري جملـت افكـار

واخـذت منهـا الطيبـه دون تاجيـل

واليوم اعبر من جزالـن لهـا اختـار

وبالشعر ابكتب دام فكري لهـا يكيـل

ويالله عساء ممشاي فالنهـج مغـوار

وتبعدني عن درب الشقاء والغرابيـل

وتلهمني الحكمه على نطـق الاشعـار

من هاجسن ينضم الحـون المواويـل

من شان اوفي مع رجالن لها الشـار

اللي لـوزن الهـرج حكمـه وتمثيـل

واللي لبدع الشعـر مـارد ومصـدار

يوفـون بحروفـه ولا يلحقـه ميـل

وكلن يعرف الوقت رحلـه ومشـوار

واجيال تفناء ويبتـدي بعدهـا جيـل

والناس كلن فـي حياتـه لهـا سـار

واحدن على سيره براء الحال بالحيـل

صلى وصـار لوالدينـه رجـل بـار

وزكا وصـام وحـج حجـه بتفصيـل

ويامر وينهاء ومعها صلى بالاسحـار

ومشغل السانه بذكـر هـل التهاليـل

قدوه لقومه ومعها وفاء مـع الجـار

وفي غايته للطيب مـروي المصاقيـل

وبفعل الكرم غايـه وشيمـه ومقـدار

وليا ذبح للضيف من طيبـت الحيـل

واحدن عكس سيره ومشاء دربه ايسار

ويقضي حياته لهو مع سهرت الليـل

والصبح نايم واصبح الحـال منهـار

وامساء يدور شلتـه قـال مـع قيـل

وعلى النكد سارت حياته علـى نـار

وعزاه من مجلس لجمـع الجهاهيـل

يبغاء وناست نفسه ابـدرب الاخطـار

ويشكي من اديونه حيـات البهاذيـل

وليـا نصيتـه قـام يبديلـك اعـذار

راحت حياته كلهـا حـط مـع شيـل

ويالله تهديهـم يـاعـلام الاســرار

ياوالين خلقـك وفـي امـرك الحيـل

واختامها صلو علـى سيـد الابـرار

واعداد ماهلت مزونـن لهـا مخيـل